Engiadina - Zernez approvescha tut ils 3 rendaquints
La radunanza communala da la nova vischnanca fusiunada Zernez ha approvà ier saira ils rendaquints da las trais anteriuras vischnancas, Zernez, Susch e Lavin. Tuts trais quints serran cun in surpli d'entradas da tranter 230’000 e var 400’000 francs.
Ils da Zernez han plinavant ditg gea ad in credit da 110’000 francs per remplazzar duas cabinas dal provediment electric a Clüs e Rastò e per l'illuminaziun publica a Suot Baselgia/Viel. Quella vegn remplazzada cun novas pitgas e lampas da LED.
