Siglir tar il cuntegn

Header

audio
Mezdi: Zernez collavura cun Engiadina Bassa
Or da Actualitad dals 26.04.2018.
laschar ir. Durada: 2 minutas 26 Secundas.
cuntegn

Engiadina Zernez collavura cun Engiadina Scuol Samignun Val Müstair

Las finanzas e l’identificaziun cun il Parc Naziunal Svizzer han persvadì ils da Zernez da collavurar turisticamain cun l'Engiadina Bassa.

Il favrer 2018 era la populaziun da Zernez vegnida infurmada dal CEO da San Murezzan, Gerhard Walter, e da la directura, Martina Stadler, davart ils avantatgs d’ina collavuraziun turistica vers l’Engiadin’Ota u Bassa.

A la radunanza communala da mesemna saira è crudada la decisiun: Cun 114:105 vuschs ha il suveran da Zernez decis da terminar la collavuraziun cun la destinaziun turistica Engadin St.Moritz e da collavurar en avegnir cun la DMO TESSVM SA. La suprastanza communala aveva pledà per collavurar cun l’Engiadina Bassa, la cumissiun da turissem per ina collavuraziun cun l'Engiadin'Ota.

Finanzas e Parc Naziunal arguments centrals

Oravant tut l'argument che la destinaziun Engiadina Scuol Samignun Val Müstair s’identifitgeschia pli ferm cul Parc Naziunal Svizzer ,pudess esser stà decisiv, ma era il tema finanzas ha dà da discurrer.

Zernez cun sias fracziuns Brail, Zernez, Susch e Lavin genereschan radund 120’000 pernottaziuns ad onn. Cun collavurar vers engiu ston els en l'avegnir sa participar cun custs da 440’000 francs per il marketing. La participaziun vers San Murezzan avess custà 630’000 francs.

Spera quel import da marketing èn budgetads 220’000 francs per il biro d’infurmaziun da Zernez.

RR novitads 06:00

Artitgels legids il pli savens