Zernez - Crap ch'è crudà sin auto ha blessà il manischunz

Al Lavinar dal Sbruda sur Zernez è il venderdi suentermezdi in crap crudà sin in auto durant che quel era da viadi tranter La Drossa e Zernez. Sco la Polizia chantunala scriva, è il crap da circa 7 kilos crudà giu da la spunda e tras la fanestra davant en l’auto. L'automobilist è latiers vegnì blessà al chau ed al bratsch dretg. Il blessà haja haja pudì charrar vinavant, enfin a Zernez. Da là saja el vegnì transportà cun l’ambulanza en l’ospital Engiadin’Ota a Samedan, scriva la polizia.