Siglir tar il cuntegn

Engiadina Zernez decida davart las zonas da material da fabrica

Quants lieus d'explotaziun ed elavuraziun cumporti? Il suveran da Zernez decida ils 30 fanadur 2017 a l'urna.

Cotschen, la zona da mansteranza "Cul" a Zernez, cotschen stgir il lieu previs per la betoniera
Legenda: Cotschen, la zona da mansteranza "Cul" a Zernez, cotschen stgir il lieu previs per la betuniera Google Earth, elavurà da Georg Luzzi

Avant dus onns è vegnida inoltrada in'iniziativa che pretenda in scumond d’ulteriuras zonas d’elavuraziun ed explotaziun da material da fabrica sin il territori da la vischnanca da Zernez.

Il medem temp è vegnida inoltrada anc ina dumonda da fabrica che prevesa d’installar ina betuniera. Per ils iniziants è la zona existenta «Sosa» suffizienta. Ulteriuras zonas per explotar ed elavurar materials da fabrica na sajan betg necessarias.

Sin quest’iniziativa ha la vischnanca stuì reagir. Ina lescha da fabrica per la vischnanca fusiunada dapi il 2015 n'è betg avant maun. Perquai han ins stuì stipular ina lescha transitorica. Quella vegn ussa suttamessa a la votaziun d’urna.

La votaziun a l’urna ils 30 fanadur 2017

La suprastanza da Zernez ha proponì a la populaziun a chascchun da la radunanza preparativa da refusar questa lescha transitorica e dad uschia laschar anc avert l’opziun per ulteriuras zonas d’explotaziun. La radunanza ha cun 46 encunter 31 approvà la proposta da la suprastanza communala.

Il suveran da Zernez decida ils 30 fanadur 2017 a l’urna davart las zonas da material da fabrica

RR actualitad 12:00