Siglir tar il cuntegn

Header

cuntegn

Engiadina Zernez en tschertga da suprastants communals

Malgrà la fusiun dals vitgs da Zernez, Susch e Lavin mancan ils suprastants communals. Nagins novs stattan en colonna.

Avant la fusiun aveva mintga vitg ses agens trais enfin tschintg suprastants communals. La cifra ch'è uss necessaria suenter la fusiun per furmar la suprastanza è marcant pli pitschna. Tuttina – la tschertga da novs suprastants per la perioda d’uffizi 2019 fin 2022 è difficila.

audio
Zernez in tschertga da suprastants communals
ord Actualitad dals 15.08.2018. Maletg: RTR, S. Derungs
laschar ir. Durada: 2 minutas 59 Secundas.

Ils arguments

Far suprastant o suprastanta communala dovra temp ed ins sto esser pront da surpigliar responsabladad e da supportar critica. Oravant tut la critica envers la persuna è creschida ils davos onns.

Zernez lavura cun in sistem modern, suprastantas e suprastants han la pussaivladad da sa preparar sin las sedutas gia a chasa. Ultra da quai èn els vidlonder d'elavurar in carnet da duairs per preparar candidats u candidatas uschè bain sco pussaivel.

Situaziun actuala

Actualmain sa metta il president communal vertent e ina suprastanta actuala definitivamain a disposiziun per la proxima perioda d’uffizi 2019 – 2022. Trais persunas sa retiran e duas n’han anc betg decis sch’ellas vulan restar.

Ils 23 settember ha lieu l’elecziun dal president communal. Ils 21 october segua lura l’elecziun da la suprastanza. Candidatas e candidats han uss anc temp da sa decider per ina carica politica.

RR actualitad 12:00

Artitgels legids il pli savens