A Zernez hai brischà mesemna avantmezdi en ina halla da zavrar d'ina firma da recycling. In um ed ina dunna che sa chattavan gist là han empruvà da stizzar il fieu. In team da l'ambulanza ha transportà els en l'ospital cun ina tissientada da fim pussaivla. Els han pudì bandunar l'ospital en il decurs dal di. L'annunzia d'incendi è arrivada a las 10:00. Enturn las 11:00 han ils pumpiers gì stizzà il fieu, scriva la Polizia chantunala. Pertge ch'igl ha cumenzà ad arder na san ins anc betg ed er quant grond ch'il donn material è n'ha la polizia betg communitgà.
Zernez Fieu en halla da zavrar d'ina firma da recycling
RTR novitads 17:00