En l'Engiadina datti fitg probabel in emprim périn da lufs. Quai mussian indizis, sco Arno Puorger da l'Uffizi da chatscha e pestga ha confermà envers RTR. Tenor observaziuns viva il pèrin en il conturn da Zernez. Dasper quel èsi gia pli ditg cler ch'i dat ina luffa pli veglia, la F18 ch'è gia dapi il 2016 en l'Engiadina Bassa.
Sco proxim vegnan ils fastizs analisads. En bun in mais quinta l'uffizi cun cumprovas geneticas. Sche la presumziun sa conferma pudess il pèrin gia avair la proxima stad pitschens.
audio
Fitg probabel datti l'emprim pèrin da lufs en Engiadina
ord Actualitad dals 31.01.2023.
laschar ir. Durada: 2 minutas 38 Secundas.
Sco Arno Puorger ha declerà, hajan ils novs trieps be paucs luffins. Pli tard vegnan las tratgas lura pli grondas, uschia ch'il triep crescha pli spert.
