Tenor la suprastanza communala è l'avantatg da questa cumpra che la vischnanca po stgaffir sin la parcella in spazi per il diever communal. La vischnanca vegnia ad analisar ils basegns e pussaivels dievers da quella pigl avegnir.
Anc a la radunanza communala da matg aveva la suprastanza proponì da renunziar al dretg da precumpra sin la parcella che vala anc fin la fin 2020 per la vischnanca. La radunanza communala aveva lura dentant decidì cun 40 cunter 36 vuschs da betg renunziar al dretg da precumpra e d'instradar tractativas da cumpra cun il possessur.
Gudogn da 1,17 milliuns francs
Ils 58 votants e votantas han approvà il quint 2016 senza cuntravusch. Il quint serra cun in gudogn net dad 1,17 milliuns francs. L'onn passà ha Zernez fatg amortisaziuns per 1,96 milliuns francs ed investiziuns per 2,96 milliuns francs.