Siglir tar il cuntegn
Inhalt

Engiadina Zernez: Ils giuvens èn dumandads

Dus posts da suprastants communals èn vacants suenter l'emprim scrutini. Il president communal fa quitads.

Elecziun dals 21 october 2018
Legenda: Elecziun dals 21 october 2018. RTR, Georg Luzzi

Ils motivs n'èn betg enconuschents. È quai la responsabladad, il temp u simplamain l’interess che manca. Il president communal Emil Müller aveva speranza ch'in u l’auter num vegn enconuschent suenter l’emprim scrutini. Che in u l’auter retschaiva in tschert dumber da vuschs e sa declera lura pront da s’engaschar. Ma tut invan – Zernez sto tschertgar anc dus suprastants communals per la perioda d’uffizi 2019 – 2022.

Elegids èn suprastanza communala èn:

  • Martina Peretti cun 193 vuschs (sez da la farcziun da Susch),
  • Stefan Bühler cun 186 vuschs (sez da la fracziun da Zernez)
  • Seraina Bickel cun 167 vuschs
  • Simon Rohner cun 146 vusch (sez da la fracziun da Lavin) è nov en suprastanza

Plinavant ha Zernez gì d'eleger commembers per la cumissiun da gestiun e per il cussegl da scola:

  • La proxima perioda d’uffizi da la cumissiun da gestiun furman Claudia Duschletta, Arno Felix, Susanna Denoth e Giancarlo Neuhäusler.
  • Ed en il cussegl da scola èn vegnids elegids Jolanda Andri, Linard Godly, Gian Thom e Jürg Wirth.

La participaziun è stada tar radund 22%. Per ils ulteriurs dus posts vacants en suprastanza ha lieu il segund scrutini, ils 25 da november.

RR actualitad 11:00