En total quinta la vischnanca da Zernez cun investiziuns nettas da 3,6 milliuns francs. Plinavant ha il suveran da Zernez approvà il preventiv. Tar entradas totalas da 18,4 milliuns francs quinta quel cun in surpli d'entradas da passa 440'000 francs. Ultra da quai han ils preschents er approvà diversas fatschentas, tranter auter revisiuns da las planisaziuns localas en la fracziun da Brail e da Lavin.
