Siglir tar il cuntegn

Header

cuntegn

Engiadina Zernez, sco l’asen tranter dus tocs fain...

... tgenin prender? Zernez sto decider tranter duas destinaziuns turisticas. Vers amunt cun San Murezzan ubain vers aval cun Engiadina Scuol Samignun Val Müstair.

Charta cun Zernez tranter Engiadina Bassa ed Engiadin'Ota
Legenda: Zernez ha l'elecziun tranter duas destinaziuns turisticas – la decisiun croda l'avrigl. Grafica RTR

Zernez e Brail collavuran turisticamain cun l’Engiadin’Ota, Susch e Lavin percunter cun l’Engiadina Bassa. Cun fusiunar questas fracziuns al vitg da Zernez, ins ha laschà las structuras existentas. Ussa sto tut la vischnanca da Zernez però decider per in sulet partenari turistic.

Ils 21 favrer dastgan ils responsabels da las duas destinaziuns preschentar lur arguments a la populaziun. La populaziun ha alura radund dus mais temp da debattar e discutar per e contra las destinaziuns turisticas.

audio
Mezdi: Zernez: Cun turissem ensi u engiu?
ord Actualitad dals 19.02.2018.
laschar ir. Durada: 3 minutas 2 Secundas.

Mintga partenari ha radund 40 minutas temp da preschentar ils avantatgs ed arguments daco che la vischnanca da Zernez duess collavurar cun els. Suenter la sesida d’infurmaziun propona la vischnanca politica per ina varianta. Quella duess esser la basa da discussiun. Ils 25 avrigl segua lura ina segunda radunanza nua che vegn tratg la decisiun finala.

RR actualitad 12:00

Artitgels legids il pli savens