En il cas da Zernez, accumpogna la scriptura da Schlarigna, Romana Ganzoni las scolaras ed ils scolars da la prima fin terza reala. Ensemen scrivan els il cudesch «Capricorns e cocaìn».
Promover il team
Per Romana Ganzoni saja quest project cun ils scolars stà fitg divertent. Ella è sezza stada magistra e sa ch’ils scolars pon profitar tras quest project. D’ina vart vegnan promovidas tras il project chaussas concretas sco ortografia u grammatica, da l’autra vart dentant er la vart sociala.
Preschentaziun individuala
Il product final dal project, il roman da scola che las 11 scolaras e scolars da Zernez han realisà ensemen cun Romana Ganzoni, preschentan ils scolars durant ina sairada al public a Tavau. Parallel cun la scola da Zernez è numnadamain er sa participada ina classa da Tavau al project. Questa primavaira ha perquai lieu la prelecziun dals scolars da Zernez a Tavau e viceversa.
RTR actualitad 11:00