Siglir tar il cuntegn

Header

cuntegn

Zernez Tempo 30 duess reducir la canera

En connex cun la sanaziun da l’infrastructura communala vul Zernez era introducir tempo 30 per l'entira zona d’abitar. L’infrastructura communala è passa 80 onns veglia e sto vegnir sanada. I dovra novas lingias da stgaudament, da telecommunicaziun, da partiziun da l’aua netta e persa sco era novas lingias electricas. Cun far questas lavurs sutterranas vul la vischnanca er adattar il passape e las vias.

audio
Zernez: Tempo 30 per reducir canera
ord Actualitad dals 19.08.2021.
laschar ir. Durada: 2 minutas 55 Secundas.

In'expertisa da canera ha uss er mussà il basegn da trair mesiras per diminuir la canera tras la vischnanca. La suprastanza communala è perquai vegnida a la conclusiun da reducir il tempo en l'entira zona d’abitar sin 30.

Ma era cun questa mesira resta il nivel da la canera en tscherts lieus fitg aut. Per las chasas pertutgadas èsi previs da prender ulteriuras mesiras sco isolar las fanestras. Zernez prevesa da cumenzar cun las lavurs il 2024 e da realisar ellas durant ils proxims 4 onns. Silsuenter duai lura era dar mesiras per las fracziuns da Lavin, Susch e Brail.

RTR actualitad 17:00

Artitgels legids il pli savens