Zernez vul emprender ord las experientschas da l’emprima elecziun dals suprastants communals e dal cussegl da scola per la perioda d’uffizi 2019 – 2022. In’iniziativa inoltrada d'abitantas e d'abitants da tut las quatter fracziuns da Zernez vulan schliar quell’obligaziun.
Il president communal Emil Müller salida l'iniziativa da la populaziun. En quest connex propona el gist d’inoltrar in'obligaziun da candidatura e plinavant era da ponderar ina diminuziun da set sin tschintg commembers per la suprastanza communala. Cun quests dus ulteriurs midaments en la constituziun communala spargnass Zernez ils gronds sforzs per tschertgar candidats.
Iniziativa legala u betg
Sco proxim pass sto il vitg da Zernez sclerir sche tals midaments èn insumma legals e confurms tenor missiva e lescha da fusiun dal 2014.
RR actualitad 08:00
