Siglir tar il cuntegn

Header

cuntegn

Zuoz Culp da partenza per proxima festa da tir chantunala

Cun in onn retard envida il comité d’organisaziun a la proxima festa da tir chantunala dal Grischun dal sid. Previs èn trais fins d’emna per l’occurrenza, durant il zercladur 2024.

Per pudair organisar l’eveniment il 2024 è vegnida fundada ina societad. Il president da quella è Martin Aebli. L’anteriur president communal da Puntraschigna vegn er ad esser il president dal comité d’organisaziun. En tut vegn fatg quint cun tranter 6’000 fin 8’000 tiraduras e tiradurs. Il budget munta a 1,6 milliuns francs.

9 persunas sin sutgas
Legenda: Sper la nova societad han ils preschents er elegì il comité d'organisaziun per la festa dal 2024. RTR, Anna Caprez

Preparar ils lieus

Sco che Martin Aebli ha infurmà il venderdi a Zuoz, vegnan ad esser en funcziun tranter 12 e 14 implants da tir per la festa. Quai per las distanzas classicas da 300 meters cun la buis e 25 respectivamain 50 meters cun la pistola. Sche pussibel duai vegnir sajettà en Engiadin'Ota, Engiadina Bassa, la Val Müstair, il Puschlav, la Val Bregaglia e da nov perfin er en il Mesauc.

L’ultim inscunter chantunal è stà il 2018 en Surselva. L’eveniment sportiv ha lieu per regla mintga tschintg onns.

audio
Per tadlar: curt e cumpact
ord RTR Audio dals 05.03.2022.
laschar ir. Durada: 1 minuta 5 Secundas.

RTR novitads 06:00

Artitgels legids il pli savens