Siglir tar il cuntegn

Header

cuntegn

Engiadina Zuoz - glisch verda per nova chasa da parcar

Suenter plirs protests ha la suprastanza communala da Zuoz pudì dar il permiss da fabrica definitiv per il fabricat «Chasa da parcar Mareg».

Il suveran da Zuoz aveva approvà in credit da 9 milliuns francs l'avust 2014 per il nov bajetg. Cunquai che pliras persunas avevan fatg objecziun cunter il project, s’ha quel retardà per bunamain in onn.

Tut ils contracts sut tetg

Sco ch’il president communal da Zuoz, Flurin Wieser ha communitgà a l’ultima radunanza communala, sajan uss dentant tut ils contracts necessaris suttascrits, uschia che las emprimas installaziuns da maschinas possian cumenzar proximamain.

Fundament e miraglias prontas per december

La lavur da fundament per la chasa da parcar sin dus plauns cumenza tenor Wieser ils 6 da zercladur 2016. L’edifizi sco tal ed il tunnel sutteran che collia la chasa da parcar cun il minz da la vischnanca, duess esser pront per la fin da quest onn.

L’inauguraziun da la chasa da parcar Mareg cun bun 100 plazzas è prevesida per la fin d’avrigl 2017.

Artitgels legids il pli savens