Engiadina - Zuoz ha d’investir proxim onn 9,3 milliuns francs
La radunanza communala da Zuoz ha dad approvar il preventiv d’investiziuns 2016 cun il grond baccun da la nova chasa da parcar Mareg. Per la construcziun da la garascha e dal tunnel è da far quint cun custs da 6 milliuns francs per proxim onn, vul dir 2/3 da tut las investiziuns prevesidas.
L’auter terz è reservà per la sanaziun da l’etappa in Vuorcha, il sviament da la lingia d’aua or il Lyceum Alpinum, la sanaziun da la plazza da Concours e per remplazzar il stgaudament da stgalizas in Resgia.
La vischnanca fa quint per il 2016 cun in budget che serra cun in minus da 15‘810 francs. La radunanza communala recumonda da laschar il pè da taglia tar 85 %
La radunanza communala da Zuoz ha da decider ils 25 da november 2015 in chaussa.
