Engiadina - Zuoz ha uss 109 plazzas da parcar novas
A partir dad uss stat a disposiziun a Zuoz il nov parcadi «Centrel» cun 109 plazzas da parcar accessiblas dal center da la vischnanca. Quai scriva la vischnanca da Zuoz en ina communicaziun a las medias.
Da las 109 plazzas da parcar èn reservadas duas per persunas cun impediments e duas per autos electrics. Dal center da la vischnanca maina in tunnel da peduns cun in tarpet rudlond en la chasa da parcadi.
En pli fa a savair la vischnanca, ch’il parcadi nov vegn inaugurà als 17 da zercladur cun ina festa. La chasa da parcar nova ha custà var 6 milliuns francs.
