Quai che Mevina Feuerstein ha inventà per sias duas figlias ord mancanza d’in cudesch en la chamona da chatscha da ses sir, ha la Zuozingra ussa edì en furma d’in cudesch per uffants.
Nanins èn ils protagonists principals da las aventuras da Chardun, Margaritta e lur figlia Violetta. Figuras fictivas che sa transmidan cura ch’ellas sa scuntran cun ils umans.
Ils umans na vesan betg ils nanins e las naninas. Apaina ch’els èn en vischinanza, sa transmidan ils nanins numnadamain en fluras.
Ch’ella haja scrit il cudesch en l'idiom puter saja gia adina stà clar per ella, siond creschida si a Zuoz, di la dunna da 41 onns.
-
Bild 1 von 6. Ils uffants taidlan cun gronda attenziun ina da las istorgias dals nanins che vegn prelegida. Bildquelle: RTR.
-
Bild 2 von 6. Il lieu nua ch'ils nanins e las naninas èn da chasa vegn er illustrà en il cudesch. Bildquelle: RTR.
-
Bild 3 von 6. Mevina Feuerstein lavura ed abita cun sia famiglia a Turitg. Oriundamain è ella da Zuoz. Bildquelle: RTR.
-
Bild 4 von 6. Margaritta ed Anemona inscuntran l'ursa Brüna. Bildquelle: RTR.
-
Bild 5 von 6. La mamma da duas figlias è tut loscha da sia emprima ovra litterara. Bildquelle: RTR.
-
Bild 6 von 6. La prelecziun da ses cudesch ha ella fatg per rumantsch e tudestg. Bildquelle: RTR.
Per porscher in nov cudesch tant per uffants che discurran rumantsch, sco era per quels ch'han ina colliaziun cun la lingua, è l’ovra vegnida translatada il medem mument er en tudestg.
Ils nanins e las naninas portan tuttas il num d’ina flur. Da la mintgiletta, sur il schlop enfin tar il chalamandrin. Ed adina puspè passentan quels diversas aventuras en la Val Fless che sa chatta sur Susch en direcziun dal Pass dal Flüela.