Siglir tar il cuntegn

Header

audio
Zuoz: Nov hotel cun 50 letgs a partir da la stad
Or da Actualitad dals 10.02.2022.
laschar ir. Durada: 2 minutas 20 Secundas.
cuntegn

Zuoz Nov hotel avra las portas questa stad

Il nov hotel «White Light Alpine Chic» en il quartier Chaunt da Crusch a Zuoz, duai esser pront per questa stad. Sco ch'ils investurs communitgeschan sa tractia d’in uschenumnà Boutique-Hotel cun ina partiziun da wellness ed in restaurant public. La realisaziun da l’hotel dovra en tut dus onns e vegn a custar radund set milliuns francs.

Manà vegn il nov hotel, che sa chatta sper l’anteriur Hotel Wolf, dad Aleksandra Rossi. Ella maina actualmain ensemen cun ses um l’Hotel Chesa Colani a Madulain. Possessur da l'hotel è il Tessinais Sergio Belometti.

hotel cun fatschada brina
Legenda: L'edifizi è bunamain pront, durant ils proxims mais vegn lavurà vi da l'interiur da l'hotel mad White Light Hotel

Novs letgs chauds

Per la vischnanca da Zuoz saja la realisaziun d’in nov hotel cun 25 stanzas da grond’impurtanza, uschè il president communal, Andrea Gilli.

Grazia a l’avertura d’in nov hotel en vischnanca, datti 50 letgs dapli per Zuoz.
Autur: Andrea Gilli president communal da Zuoz

 Da chattar ulteriurs novs investurs en l’hotellaria è actualmain difficil. Ultra da quai n’ha la vischnanca da Zuoz nagin terren per metter a disposiziun per novs projects. Quels avessan da basegn da terren ch'è en possess da privats.

RTR actualitad 07:00

Artitgels legids il pli savens