Quatter mastergnants indigens s'han mess ensemen ed han avert ina butia a Zuoz. Tras ils tschains da locaziun auts e la concurrenza da l’internet è la schanza da mantegnair ina butia ensemen cun auters pli gronda che per in sulet.
Els han decis d’avrir ina butia ensemen e cumbatter cunter il murir da butias en la Val.
En la butia en il center da Zuoz sa chattan products d’in pictur, d’in electricher, d’in falegnam e d’in decoratur intern. Per els èsi cler, sche auters sa mettan er ensemen, pon bainbaud dapli butias avrir che serrar.
RR actualitad 12:15