La vischnanca da Zuoz ha approvà la nova cunvegna da prestaziun cun la fundaziun dal provediment da sanadad Engiadin'Ota per il 2022 fin il 2025. Quai da nov, per 171'100 francs ad onn. La radunanza communala ha er admess ina nova plazza da lavur en l'administraziun communala, en connex cun ina restructuraziun.
Plinavant han ils dad Zuoz er approvà il budget per il 2022. Quel serra cun in surpli d’expensas da 212'460 francs, e quai tar investiziuns da 3,5 milliuns francs. Il pè da taglia resta tar 75% da la taglia chantunala simpla.