A Zuoz cumbattan trais persunas per dus sezs libers en la suprastanza communala. Flurin Wieser, il cusseglier communal en uffizi, stat a disposiziun per ina segunda perioda. A la radunanza communala da Zuoz èn plinavant vegnids proponids Silvano Plebani e Sandra Zala. Quai scriva la vischnanca en ina communicaziun.
Il segund sez vegn liber perquai che Lucian Schucan ha cuntanschì la limitaziun dal temp d'uffizi. Enfin venderdi proxim pon anc vegnir inoltradas propostas. Las elecziuns èn tradiziunal durant Chalandamarz.
Il president communal da Zuoz, Romeo Cusini, sa metta a disposiziun per in'ulteriura perioda d'uffizi. El è vegnì elegì l'onn passà en ina elecziun substitutiva suenter la demissiun dad Andrea Gilli.
Adattà al tema
