Siglir tar il cuntegn
Ospital da la Crusch a Cuira.
Legenda: En l'Ospital da la Crusch duai dar nov ina clinica da reabilitaziun. RTR

Ensemen cun clinicas Valens Clinica da reabilitaziun en Ospital da la Crusch

L'Ospital chantunal e las clinicas da Valens lantschan in project d'ina clinica da reabilitaziun. Quai communitgescha l'Ospital chantunal. Avant in onn avevan il cussegl d'administraziun e la direcziun da l'ospital chantunal decidì d'integrar en l'Ospital da la Crusch a Cuira ina clinica da reabilitaziun – quai en il rom da la optimaziun dals lieus d'ospitals.

La clinica da reabilitaziun duai vegnir manada d'in partenari cun experientscha sin quel sectur. Cun las clinicas Valens ha l'Ospital chantunal uss chattà quest partenari. Da cuminanza veglian ins uss sviluppar vinavant ad approfundar il project, hai num en la communicaziun.

Ord l'archiv:

RTR novitads 10:00

Artitgels legids il pli savens