Siglir tar il cuntegn

Header

cuntegn

Grischun Epidemia bovina IBR era en il Grischun

L'epidemia bovina IBR è enavos en Svizra. En l'entira Svizra èn il mument serrads 29 manaschis purils pervi dal virus privlus, dus da quests manaschis èn en il chantun Son Gagl ed en il Grischun è almain in manaschi pertutgà.

Sco quai che l'uffizi federal veterinar communitgescha hajan ins pudì confermar tar 2 animals il virus privlus. Quests animals èn vegnids mazzadas immediat. Ils manaschis restan serrads enfin la fin da las examinaziuns. Ina proxima consultaziun po vegnir fatga pir suenter 30 dis.

Importà dal Tirol

Il virus è rut ora en ina stalla en il Tirol. Ord questa stalla èn vegnids exportads 63 animals en Svizra. Tut ils manaschis pertutgads sajan serrads per impedir ina derasaziun dal virus.

Betg privlus per il carstgaun

Il virus IBR (Infektiöse Bovine Rhinotracheitis) è in virus da herpes e nuncurabels. El pertutga oravantut arments e tutga il lom e la via respiratorica. El po era chaschunar aborts. Per il carstgaun n'è il virus betg privlus.

En Svizra è il virus cumparì a moda extendida l'emprima giada il 1977. Davent il 1983 ha la Confederaziun lantschà in program da 135 milliuns francs per extirpar la malsogna.

Artitgels legids il pli savens