Siglir tar il cuntegn
cuntegn

Grischun Er Cuira ha patì cun la naziunala Svizra

L’arena sin la plazza da teater a Cuira è stada fullanada fin sin il davos plaz. Bun 1200 aspectaturs han animà l’equipa Svizra en l’arena. Clar ch’ils fans da la Svizra èn stà la maioritad.

 Plain tensiun han ils aspectaturs guardà il gieu dals Svizzers.
Legenda: Plain tensiun han ils aspectaturs guardà il gieu dals Svizzers. RTR, G.CANDINAS

Fans cun il tricot cotschen da la Svizra, cun ina schlingia da la Svizra ed in pèr paucs han perfin malegià la bandiera Svizra sin fatscha.

Fans franzos èn propi stai scarts. Mo in ni l’auter punct blau devi tuttina da vesair en la massa cotschna. Per exempel in um pulit grond, cun chau blau ed in tricot blau da la Frantscha. El saja gia stà qua avant dus onns cun quest tricot, quai saja stà super.

Fans cul resti neutral

Blers fans en cotschen, paucs en blau. E lura èn era ils fans cun il resti neutral stads da la partida. Bleras persunas en stadas en l’arena a Cuira a mirar il gieu, senza utensils da fan.

Ils fans Svizzer han la fin finala festivà il 0:0 encunter la Frantscha.
Legenda: Ils fans Svizzer han la fin finala festivà il 0:0 encunter la Frantscha. RTR, G.CANDINAS

Ils motivs: «Jau hai nagut, il bab ha prendi il sulet tricot che nus avevan a chasa, mes tricots a chasa èn memia pigns».

A chasa èn ids la fin finala tuts. Ils massa fans cotschens, quels cun il resti neutral ed era ils fans cun il tricot blau da la Frantscha.