Siglir tar il cuntegn
cuntegn

Grischun Er en il Grischun han lavurers fatg chauma

Il 1918 èsi vegnì en Svizra bunamain tar in guerra civila. En l'entira Svizra han radund 250'000 lavurers fatg chauma. Era en il Grischun èsi vegnì fatg chauma en singuls lieus.

Persunas che fan chauma
Legenda: Radund 250'000 lavurers en Svizra han fatg chauma dals 12 fin ils 14 da november 1918. Keystone

Il cumenzament dal 20avel tschientaner datti en Svizra gronda tensiun tranter ils burgais ed ils socialdemocrats. Las pajas bassas ed ils auts pretschs d'aliments sajan la culpa dals burgais, pretendan ils socialdemocrats. Da l'autra vart crescha la tema dals burgais ch'ils sanesters veglian cupitgar la regenza. Exact quai capita numnadamain en las terras vischinas, suenter l'emprima guerra mundiala (1914-1918).

Viafier cun schuldada.
Legenda: Tar bleras viafiers en l'entira Svizra è vegnì fatg chauma. Keystone

La Svizra stat avant ina guerra civila. Durant dus dis fan ils lavurers chauma. Tut stat eri. Cunquai che la tema avant ina revoluziun crescha, decidan las persunas che fan chauma da puspè prender si la lavur.

Era en il Grischun hai dà chauma

I saja dentant stà mo ina pitschna chauma, declera l'istoricher Adolf Collenberg. L'industria era pitschna, uschia haja dà ina chauma sulettamain tar la Viafier retica e tar ils tipografs en las stamparias.

L'istoricher Adolf Collenberg
Legenda: L'istoricher Adolf Collenberg è s'occupà cun la situaziun en il Grischun durant la chauma generala il 1918. RTR

La gronda part da la populaziun haja percurschì mo pauc. Mo en ils centers sco Tavau, Landquart u Cuira saja la chauma stada da sentir, di Adolf Collenberg. Ils pli blers abitants en il Grischun han percurschì pir pli tard, con heiclia che la situaziun saja stada en l'entira Svizra.

RR actualitad 11:00