L’EWZ modernisescha la centrala d'energia cun in nov stgaudament da zinslas da lain che duai ir en funcziun la primavaira 2016. Plinavant vegn era installà in filter da pulvra fina. Uschia pon 40 chasas vegnir stgaudadas ecologicamain.
La fin da l'onn passà aveva la vischnanca da Bravuogn approvà la vendita da la rait da chalira. Suenter in retard pervi d'in recurs è uss avant maun la lubientscha da bajegiar.
RR novitads 11:00