Siglir tar il cuntegn

Header

La schurnalista Pierina Hassler ed il manader da social media Claudio Candinas
Legenda: Pli baud tar il Blick ed oz tar Somedia – la schurnalista Pierina Hassler ed il manader da social media Claudio Candinas. Claudia Cadruvi
cuntegn

Ex-collavuraturs dal Blick «Jau hai gì in super temp»

Pierina Hassler e Claudio Candinas han lavurà tar il Blick. Ella sco schurnalista ch’è perfin stada en l’Asia per rapportar dal tsunami. El sco manader, che ha introducì social media. Omadus èn oz tar la Somedia a Cuira.

«Doppelmord in der Langstrasse» è stà l’emprima story che Pierina Hassler ha scrit per il Blick. Ella haja svelt sentì quant lunsch ch’ins dastgia ir sco schurnalista da boulevard. Ella na fiss mai sa vestgida sco tgirunza mo per pudair far in’intervista cun in pazient en in spital.

audio
Co èsi da lavurar tar il Blick?
ord Actualitad dals 14.10.2019. Maletg: RTR, Claudia Cadruvi
laschar ir. Durada: 3 minutas 16 Secundas.
Ins senta sche la glieud vul raquintar insatge e sto respectar sch’els vulan betg pli dir dapli.
Autur: Pierina Hasslerschurnalista

La redacziun dal Blick discuteschia mintga di quant lunsch ch’ins dastgia ir, di Claudio Candinas. Gist en il sectur da social media raquintian ins istorgias che muventian la glieud e procurian per interacziuns.

Per mai vala la regla – tge che ha da far cun blessads e cun uffants na purtain nus betg.
Autur: Claudio Candinasmanader da social media

Bun schurnalissem da boulevard tutga adina il venter e n’emblidia mai il chau, di Claudio Candinas. La glieud legia gugent insatge legher che fa tschaffen. Las infurmaziuns stoppian perquai tuttina constar.

Igl è scrit che mintgin chapescha, di Pierina Hassler. Il boulevard vegnia adina cun novs temas e stettia lura vidlonder.

Da scriver simpel e pregnant saja fitg grev, dian ils ex-collavuraturs. Perquai saja il Blick ina buna scola per giuvens schurnalists.

audio
Bun schurnalissem da boulvard
ord Actualitad dals 14.10.2019. Maletg: RTR, Claudia Cadruvi
laschar ir. Durada: 3 minutas 37 Secundas.

Omadus èn inchantads dal temp ch'els han passentà tar il Blick.

Jau n’hai – avant e suenter – mai lavurà cun glieud uschè intelligenta sco tar il Blick.
Autur: Pierina Hasslerschurnalista
audio
Entir discurs cun Pierina Hassler e Claudio Candinas
ord Actualitad dals 14.10.2019.
laschar ir. Durada: 13 minutas 56 Secundas.

RR actualitad 07:00

Artitgels legids il pli savens

Scrollar a sanestra Scrollar a dretga