Schegea ch'i è mo in exercizi, sajettà vegn cun muniziun vaira. L'exercizi duai numnadamain esser uschè real sco pussibel.
Nus faschain quest exercizi ensemen cun ils franzos per rinforzar nossa defensiun.
Per realisar l'exercizi, hai duvrà in onn e mez da preparaziun. Grazia a lubientschas spezialas e la collavuraziun bilaterala, han ils franzos pudì vegnir cun lur panzers, la muniziun e armas en il Grischun. Fin a Domat cun il tren, e da là vinavant sin via fin a Valragn.
L'armada franzosa vala sco ina da las pli grondas armadas da l'Europa, e lur schuldads èn schuldads professiunals. Da quest factur vuless l'armada svizra profitar.
Ils schuldads franzos han blera experientscha e lavuran er en l'exteriur. Uschia pudain nus discurrer cun els davart lur experientscha.
La collavuraziun tranter l'armada svizra e l'armada franzosa datti dapi blers onns, gist questa primavaira hai dà in exercizi cuminaivel. Sco la vart franzosa profitescha d'in tal exercizi, n'ha ins betg pudì chattar ora avant lieu, ils franzos na vulevan numnadamain betg vegnir disturbads durant l'exercizi.