Exposiziun a Poschiavo - Tschients Puschlavins han bandunà la val
Da Odessa a Southampton, da Varsovia a Lisbona. En tut l’Europa, da la fin dal 18avel e l’entschatta dal 20avel tschientaner, han tschients da Puschlavins tschertgà lur fortuna cun avrir conditorias e cafés. Ad els è ussa deditgada in’exposiziun speziala.
L’exposiziun ha lieu en il museum a Poschiavo, ed ella sa deditgescha cumplettamain a l’emigraziun dultscha. Dumandads èn era las visitadras ed ils visitaders. Cun ina bandiera pon els marcar, cun tge pajais ch’els han ina colliaziun d’emigraziun famigliara. En il museum è era vegnì drizzà en in café Suizo; Aromas ed objects raquintan da l’atmosfera da pli baud. L’exposiziun speziala cuzza fin ils 20 d’october.
Legenda:
Il café Suizo en il museum da Poschiavo.
RSI
