Ins inscuntra ad art da tutta sort; maletgs, sculpturas, arranschaments sco era videos. Da fitg grond tar fitg pitschen. Dad artists vegls, giuvens e tut tranteren.
Era sche las ovras sajan fitg differentas, vesa il co-directur dal Museum d'art dal Grischun, Stephan Kunz, in tema che sa tira tras l'exposiziun – numnadamain ch'ella è fitg fina. Ils 52 differents artists grischuns exponan lur ovras en la medema stanza.
Exposiziun sco premi d'art
En il medem mument survegn Flurina Sokoll sia atgna stanza. Ella è la purtadra dal premi d'art che vegn surdà per l'emprima giada da l'Uniun d'art grischuna. Ella survegn cunquai ina publicaziun, sco era la pussaivladad d'ina atgna exposiziun.
Per l'artista ch'è naschida il 1986 a Cuira e viva ussa a Bermuda è quella exposiziun era in «vegnir a chasa». En sia exposiziun sa chattan differents objects, ch'ella ha chattà cun ir tras la vita. En quels objects, che auters bittan, vesa ella in grond potenzial per arranschaments artistics.
Telesguard 17:40