Impressiuns da Puntraschigna
-
Bild 1 von 7. Il bainvegni en il foyer dal Rondo. Bildquelle: Nadja Cadonau.
-
Bild 2 von 7. En il Rondo a Puntraschigna è tut pront per 120 deputadas e deputads. Bildquelle: Nadja Cadonau.
-
Bild 3 von 7. Bunamain sco a Cuira: La sala per deputadas e deputads è pronta. Bildquelle: Nadja Cadonau.
-
Bild 4 von 7. Politicras e politichers pon prender plaz tenor las fracziuns. Bildquelle: Nadja Cadonau.
-
Bild 5 von 7. Uschia vesa in deputà la sala. Bildquelle: Nadja Cadonau.
-
Bild 6 von 7. La vista da la presidenta dal Cussegl grond Tina Gartmann-Albin. Bildquelle: Nadja Cadonau.
-
Bild 7 von 7. Era per aspectaturas ed aspectaturs hai plazza sin ina tribuna. Bildquelle: Nadja Cadonau.
Sche deputadas e deputads dal Cussegl Grond fan la valischa per 4 dis e bandunan Cuira, lura hai num extra muros – il parlament fa viadi. Questa giada sa scuntra el en il Rondo a Puntraschigna.
Era durant extra muros vegn debattà, dentant…
Il plan da lavur d’ina sessiun extra muros na sa differenziescha betg dal plan d’ina sessiun a Cuira. I vegn discutà, debattà e decidì davart differents temas politics:
Sper l'elecziun da Christian Rathgeb sco president da la regenza è er il quint dal 2018 tema. La debatta per deliberar il quint che mussa in gudogn da 105 milliuns francs, malgrà ch'igl era vegnì budgetà in deficit da bunamain 34 milliuns. Las raschuns per il gudogn sajan, sper dapli entradas da taglia e gronda disciplina d'expensas, er dapli daners da la Banca naziunala svizra e la restituziun dals daners da l'AutoDaPosta SA.
Il punct principal è dentant la fusiun da las dretgiras. Là vai per la dumonda, sche la dretgira chantunala e la dretgira administrativa duain fusiunar. Per pudair respunder a quella dumonda, preschenta la regenza in rapport cun avantatgs e dischavantatgs sco er pliras variantas.
La finamira da la fusiun è da simplifitgar e far pli effizients ils process. In ulteriur argument per la fusiun è ch'i dess lura mo pli in timun che pudess represchentar la dretgira vers anora. En questa sessiun na vai dentant anc betg per prender decisiuns definitivas.
Vivas discussiuns betg mo en sala
La gronda differenza dad extra muros tar ina sessiun a Cuira è dentant quai che capita suenter las debattas politicas. Deputadas e deputads vivan per quatter dis en il medem lieu e na turnan betg a chasa la saira. Quai dat chaschun per inscunters main uffizials tranter ils parlamentaris, cun la regenza, la populaziun e cun schurnalistas e schurnalists – sco per exempel l'ultima giada sin il Weisshorn ad Arosa.
Gia per la settavla giada
Ina giada durant mintga legislatura fa il Cussegl Grond ina sessiun en ina regiun dal Grischun. Las ultimas sessiuns ordaifer la chapitala èn stadas:
Pervia da lavurs da renovaziun vid il bajetg dal Cussegl Grond è il parlament grischun gia sa radunà il 1992 a Mustér ed a Tavau e 1993 a Landquart.
La sessiun extra muros sin tut ils chanals da RTR tranter ils 11 ed ils 14 da zercladur.
L'emprim di a Puntraschigna
RR actualitad 07:00++