En il Grischun èn 659 persunas stadas senza lavur il fanadur. Quai èn 105 pli pauc ch’anc il zercladur. La quota da dischoccupaziun munta a 0,6%. Quai ha communitgà l'Uffizi per industria, mastergn e lavur dal Grischun. La sminuziun saja cunzunt d’attribuir al fatg che dapli persunas hajan chattà lavur en la hotellaria.
Il fanadur hajan passa 100 manaschis survegnì indemnisaziuns per lavur reducida en il Grischun. Quai è bunamain il dubel ch’anc il zercladur. Quest augment na saja betg da contribuir a dapli manaschis ch’hajan actualmain introducì lavur curta, mabain a pajaments supplementars per ils ultims dus onns, declera l’uffizi.
Situaziun en Svizra
En l’entira Svizra è il dumber da dischoccupads sa reducì sin radund 91’400 persunas. Quai correspunda ad ina quota da dischoccupaziun da 2,0%.
