Siglir tar il cuntegn

Header

audio
Facts & Figures da las pendicularas dal Grischun
Or da Actualitad dals 09.08.2022.
laschar ir. Durada: 3 minutas 34 Secundas.
cuntegn

Fatgs e spezialitads Ellas collian vals cun muntognas – las pendicularas

Las pendicularas tutgan tar il Grischun uschia sco ils culms ed ils lais en nossas cuntradas. Tenor las Pendicularas svizras dumbra la branscha actualmain intgins tschient implants. Tranter auter èn quai 6 funicularas, 78 pendicularas e cabinas, vitiers vegnan 106 sutgeras. Cun 125 runals e 201 runals pitschens e teppis magics sa resulta in dumber total da 516 implants da pendicularas en il Grischun.

Tut quels implants han ina gronda valur economica per il chantun, tenor las Pendicularas grischunas transportan ellas onn per onn 7,1 milliuns giasts e fan uschia ina svieuta da transport annuala da 392 milliuns francs.

Vegl, svelt e grond

Las emprimas pendicularas e funicularas èn vegnidas construidas en il Grischun enturn l'onn 1900 – il grond boom da turissem e cun quel la construcziun d'implants da sport hai dà a partir dals onns tschuncanta.

RTR actualitad

Artitgels legids il pli savens

Scrollar a sanestra Scrollar a dretga