A partir dal proxim onn da scola porscha la vischnanca da Favugn structuras dal di per la scola primara. La radunanza communala ha concedì in credit da 152'000 francs. La purschida cumpiglia in accumpagnament d'uffants da scoletta enfin la 6avla classa – mintgamai da la damaun a las set enfin la saira da las sis e mesa. Er l'accumpagnament da vacanzas è cumpiglià.
Il president dal cussegl da scola Ursin Widmer ha vinavant infurmà davart ponderaziuns dad engrondir l'areal da scola. I dovria urgentamain dapli spazi per las radund 400 scolaras e scolars. L'atun vul la suprastanza communala preschentar in project per ina nova scolina ed in spazi per ina gruppa da gieu e dumandar per in credit da construcziun.