Durant sterner nov fain en stalla a Favugn è in pur vegnì attatgà d'in taur. Il taur ha silsuenter smatgà il pur giun plaun. L'emprendist ch'è vegnì en agid ha pudì distrair il taur e manar el en in auter claus, uschia ch'il pur è mitschà.
Il pur è vegnì transportà cun in'ambulanza en l'ospital chantunal a Cuira. Tenor la Polizia chantunala ch'ha rapportà l'accident è quai capità dumengia saira, las 17:15.