Ferm franc - nagin problem per hotels a Cuira

Ils hoteliers da Cuira na sentan nagut dal franc ferm. Ils trais hoteliers ch’il Radio Rumantsch ha visità en il rom dal di da las portas avertas èn cuntents enfin ussa cun las cifras da pernottaziuns.

Stefanie Schmid en chombra cun letgs da cabina. Bild in Lightbox öffnen.

Legenda da maletgs: Stefanie Schmid dal Hostel JBN: “Nus avain giasts giuvens e da quels ch'èn restads giuvens.” RTR, R. Müller

Els èn er da buna veglia en vista da la stagiun da stad ch’è per blers la stagiun principala a Cuira. La statistica mussa ch’i ha dà il schaner da quest onn 11’345 pernottaziuns a Cuira. Quai èn prest 1’000 dapli che l’onn passà.

 

Disturbar per plaschair!

Martyn Stockmann en in restaurant Avrir maletg en lightbox.

Legenda da maletgs: Martyn Stockmann, Ambiente Hotel Freieck: “Nus essan entamez la citad veglia." RTR, R. Müller

Hoteliers da tut la Svizra han dumengia ils 15 da mars avert lur portas a chaschun da l’acziun Please disturb. Responsabla per l’acziun è l’associaziun da branscha hotelleriesuisse.

En il Grischun han radund 47 hotels avert lur portas, a Cuira tschintg hotels. Nagins hotels èn sa participads en la Cadì, en Val Alvra ed en il Surses. Tenor il president da hotelleriesuisse Andreas Züllig mancan en questas regiuns ils president regiunals da l’associaziun che avessan savì organisar l’acziun Please disturb.