Bain vegn il privel d'in terratrembel ferm valità sco pitschen. Cun in terratrembel da la fermezza 6,5 saja, tenor communicaziun da la regenza, da quintar mintga 500 onns. Il davos da quels ch'i ha dà tar nus è stà avant passa 700 onns a Churwalden. In ferm terratrembel cun epicenter en il chantun chaschunass gronds donns da persunas, vi da bajetgs e l'infrastructura da provediment. Plinavant pudessi dar crudadas da crappa sco consequenza.
Il chantun ha perquai elavurà durant ils davos trais onns ina concepziun generala per il cas d'in terratrembel. La finamira da quest concept, sut la bitgetta da l'Uffizi per militar e protecziun civila, èsi da mussar co ch'il chantun, vischnancas, Confederaziun e gestiunaris d'infrastructura critica pon surmuntar in ferm terratrembel. En il concept vegnan las cumpetenzas ed incumbensas definidas per ils differents partenaris. Plinavant han ins chattà deficits tar ils process pertutgads ed instradà mesiras per eliminar quests deficits.
Sensibilisar la populaziun
In impurtant punct saja era la sensibilisaziun da la populaziun. I saja impurtant da savair tge far avant, durant e suenter in terratrembel. Il servetsch da terretrembel da l'ETH Turitg ha publitgà quellas infurmaziuns.
Or da l'archiv
RTR ha 2018 dà in sguard en il futur ed è sa dumandà:
