Gia dapi duas emnas lavuran las gidantras ed ils gidanters vi da l'installaziun da l'areal da festa e dals indrizs da concurrenza. Finalmain vai liber quest venderdi. En differentas disciplinas, d'atletica leva sur gimnastica als urdains fin a ballarait ed indiaca sa mesiran sportistas e sportists dal Grischun e da tut la Svizra al Bügla 2024.
Impressiuns da las lavurs da construcziun
-
Bild 1 von 5. Bildquelle: Bügla 2024.
-
Bild 2 von 5. Bildquelle: Bügla 2024.
-
Bild 3 von 5. Bildquelle: Bügla 2024.
-
Bild 4 von 5. Bildquelle: Bügla 2024.
-
Bild 5 von 5. Bildquelle: Bügla 2024.
Ultra da l'areal principal a Domat han lieu singulas concurrenzas en las vischnancas vischinas. A Tumein ha lieu il turnier dad unihockey, a Panaduz la gimnastica d'urdains ed a Favugn il turnier da ballarait.
Da princip organisassan las uniuns da gimnastica gugent mintga dus onns ina festa chantunala. La coordinaziun cun ils auters chantuns sco er cun la festa federala da gimnastica chaschuna dentant adina puspè spustaments. Plinavant na datti betg mintga dus avunda persunas per il comité d'organisaziun. L'ultima festa chantunala da gimnastica en il Grischun ha gì lieu l'onn 2015.
Malgrà la mancanza da gidanters e blera plievgia succedan las preparativas tenor plan ed il Bügla 2024 avra il venderdi sias portas sco giavischà.
