La stad passada è stada ruassaivla. Naginas occurrenzas, nagins concerts, nagins open airs. Per il mument è la stad 2021 anc fitg malguessa. Tuttina èn ils organisaturs da l'Open Air Lumnezia anc in tant optimistic.
Nus sperain ch'ì dettia el, nus essan fitg optimistics. Da l'autra vart mussa la realitad in auter maletg.
Il mument è l'uniun da l'Open Air Lumnezia adina puspè vid sa barattar cun la scena da festivals svizra. Sch'i na dess anc ina giada betg l'open air lura vegniss quel spustà ina ulteriura giada. Tge che quai muntass per las bands ed il lineup na sa Norbert Cavegn il mument anc betg. Realisar l'Open Air Lumnezia cun mesiras da distanza ed igiena na saja betg realistic, di il president. Era ina furma digitala na saja nagina opziun. El giavischass che la decisiun definitiva crudass enfin mars u avrigl, quai fiss per l'organisaziun il pli simpel.