Siglir tar il cuntegn
Inhalt

Grischun Finì cun grisch – Skyline da Cuira vegn pli colurada

L'onur per far quest enorm project ha survegnì l'artist Fabian Florin alias Bane. El è enconuschent sin tut il mund per ses graffitis. La proxima ovra vegn ad esser sin la tur sper l'autostrada a Cuira. Il «Mühleturm» vegn ad avair in purtret da dus mauns che stgarpan giu in mir da betun.

Legende: Audio Bunura: Cuira – Mühleturm abspielen. Laufzeit 02:02 Minuten.
02:02 min, Actualitad dals 22.09.2018.

220'000 francs ha la citad da Cuira dà liber per il project «Mühleturm»: Per ina per il lift che vegn duvrà e per l'autra per egualisar la paraid. Tut la colur che vegn duvrada è sponsurisada. Per l'artist Fabian Florin alias Bane è quest project in project da cor. Gia avant che la citad aveva dumandà el, aveva el decidì ch'in di dat el colur a la tur. L'idea per il motiv ha duvrà lung temp per arrivar al punct ch'ella è uss. Però uss na vegn nagut pli midà.

Il «Mühleturm» a Cuira.
Legenda: Il «Mühleturm» a Cuira. RTR, Flavio Deflorin

En trais fin quatter emnas vess l'entira ovra dad esser a fin. Enfin lura ha l'aura simplamain da star bella. Tuttina han ins anc avunda «puffer» da temp per dis nua ch'i n'è betg pussibel da lavurar.

RR actualitad 08:10