Fläsch - Vischnanca po sanar las vias da transport

La vischnanca da Fläsch po sanar sias vias da transport. La radunanza communala ha approvà unanimamain il project da meglieraziun gievgia saira. Latiers han ils da Fläsch concedì in credit brut da bunamain 9 milliuns francs. Er èn els d’accord che la vischnanca surpiglia ils custs da radund 4 milliuns francs che restan, suenter trair giu las subvenziuns da la Confederaziun e dal chantun.