En il center da San Bernardino hai dà glindesdi a mezdi in'explosiun en in'ustaria. Quai suenter ch'i era sortì gas d'ina platta da gas. L'explosiun haja chaschunà donns da plirs dieschmilli francs en l'intern dal restaurant. Persunas na sajan betg vegnidas blessadas tar l'incident. Dasper ils pumpiers dal center da salvament da San Bernardino èn era stads en acziun pumpiers da la Mesolcina sura e la Polizia chantunala.
Il conturn dal bajetg e la via è stada serrada. La Polizia chantunala investighescha tge ch'è precis capità.