La regenza ha decis da cuntinuar cun il fond d'innovaziun dal chantun, quai enfin il 2027. Il fond promova projects innovativs ed interprendidras ed interprendiders che rinforzan la plazza d'economia dal Grischun, lavuran cun resursas indigenas e creeschan plazzas da lavur, scriva il chantun. Il focus principal è da promover interpresas giuvnas. Concret vegnan quellas sustegnidas dal chantun e colliadas cun purschidas naziunalas.
Il fond d'innovaziun dal chantun Grischun datti dapi l'onn 2018. Il start-up da moda «Muntagnard» è in dals projects ch'è vegnì sustegnì dal fond d'innovaziun.