Fundaziun Baan Dooi dat in futur ad uffants orfens cun SIDA

Cumenzà ha tut cun in engaschament sin basa voluntara en il nord da la Tailanda. Là ha Graziella Ramponi emprais ad enconuscher in mattet ch'era sulet e malsaun. El era betg in cas singul ed uschia è Graziella Ramponi restada ed ha bajegià si in'organisaziun d'agid.

Laschar ir video «Sponsurs grischuns per gidar en Tailanda»

Sponsurs grischuns per gidar en Tailanda

3:55 min, Actualitad video dals 8.2.2016

Baan Doi, chasa da muntogna, sa numna l'organisaziun e la chasa d'orfens nua che 20 uffants han chattà in nov da chasa.

En il nord da la Tailanda èn millis d'uffants pertutgads, han SIDA, e nagin pli che guarda per els perquai ch'ils geniturs èn morts ni han laschà sulet ils uffants.

Gidar a quels ch'ins po e quai bain

Pli baud vuleva Graziella Ramponi Najai salvar il mund, oz cun 33 onns è ella cuntenta ch'ella po far quai ch'ella fa. Grazia a l'organisaziun Baan Doi che stat davos tiers. 20 uffants chattan alloschi èn chasa e passa 30 sustegna l'organisaziun ordvart.

Graziella Ramponi Avrir maletg en lightbox.

Legenda da maletgs: Graziella Ramponi Najai cun sia famiglia durant il temp en Engiadina RTR,V.Rominger