Siglir tar il cuntegn

Header

cuntegn

Fundaziun Hans & Anna Enderlin PPS Grischun tira il departament da finanzas avant dretgira

La  Partida populara svizra dal Grischun va davant dretgira cunter ina decisiun dal departament da finanzas. Tenor questa decisiun duai l'Allianza dal Center survegnir ils daners da la fundaziun Hans ed Anna Enderlin.

La fundaziun exista dapi la mort dad Anna Enderlin-Engi 1986, davent dal 2004 è la finamira da la fundaziun stada il sustegn da la lavur publica da la Partida democratica/populara Svizra, citescha la «Südostschweiz». Suenter la separaziun da la partida il 2010, avevan la PPS e la Partida burgais-democratica (PBD) cumbattì per la facultad da la fundaziun. Avant 12 onns ha il Chantun decis ch'ils daners duajan ir a la PBD. Cun la fusiun da la BDP e la PCD ha questa situaziun ussa stuì vegnir sclerida da nov.

A tge partida tutgan ils daners?

Il settember ha il departament da finanzas declerà l'Allianza dal Center sco la profitura da la fundaziun Hans ed Anna Enderlin – cunter la veglia da la surveglianza da fundaziuns sco la «Südostschweiz» rapporta.

La Partida populara vul ussa contestar giudizialmain questa decisiun, ella rinfatscha tranter auter al directur da finanzas partent, Christian Rathgeb, ina decisiun politica. Sin dumonda ha quel confermà ch'i saja vegnì inoltrà in recurs cunter la decisiun da ses departament.

audio
Per tadlar: curt e cumpact
ord RTR Audio dals 19.12.2022.
laschar ir. Durada: 1 minuta 1 Secunda.

RTR novitads 06:00

Artitgels legids il pli savens

Scrollar a sanestra Scrollar a dretga