Er quest onn conceda la fundaziun Stavros Niarchos contribuziuns finanzialas a divers projects dals secturs cultura, scienza e fatgs socials. Sco quai che la fundaziun communitgescha pon vegnir sustegnids 106 dals totalmain 178 projects inoltrads. Tge projects e quants daners ch'els survegnan n'è betg vegnì communitgà.
La fundaziun Stavros Niarchos era vegnida fundada l'onn 2000. Quai cun l'intent da sustegnair finanzialmain projects ed instituziuns sin ils champs da cultura, scienza e fatgs socials nua che ni vischnancas ni il chantun pon dar avunda contribuziuns.