Siglir tar il cuntegn

Header

Navigaziun

Ina pendiculara.
Legenda: La radunanza communala da Furna ha refusà ina revisiun da la planisaziun locala ed uschia impedì ina nova pendiculara sin il Furner Berg. SRF
cuntegn

Grischun Furna impedescha nova pendiculara

Ils davos 10 onns han las pendicularas Grüsch-Danusa investì blera energia en in project per ina sutgera da quatter sin il Furner Berg cun ina lunghezza da 500 meters. La mesemna saira è la radunanza communala da Furna uss s'exprimida cunter quest project. 70% dals preschents han ditg NA a la revisiun da la planisaziun communala che fiss stada necessaria per pudair realisar la pendiculara. Quai rapporta il schurnal regiunal da SRF.

Per ils responsabels da las pendicularas è questa decisiun vegnida fitg surprendentamain, suenter che Furna aveva adina puspè sustegnì il project ils ultims onns. Sco la presidenta communala da Furna, Cornelia Roffler-Jossen, ha ditg envers Radio SRF, pudess ina raschun per il NA dals da Furna esser, che las pistas fissan stadas en ina cuntrada da palì.

RR novitads 20:00