La gievgia passada haja ina matta da 14 onns inscuntrà a Furna in luf. Quai ha communitgà l'Uffizi chantunal da chatscha. La matta saja stada sin via a scola. En ina storta a piz haja ella vesì il luf – ina surpraisa per tuts dus, scriva l'uffizi. Il luf haja sgrignì e saja lura ì davent.
L'Uffizi chantunal da chatscha e pestga quinta ch'i saja stà in inscunter casual. Davart il motiv da l'inscunter n'hajan ins chattà nagins fastizs.
En la regiun da Furna datti il triep da Glattwand. I saja dentant l'emprima giada ch'in inscunter capitia en questa regiun. L’Uffizi da chatscha e pestga supplitgescha la populaziun da annunziar immediat eventuals inscunters cun lufs.
audio
Per tadlar: las novitads da las 15:00
ord RTR Audio dals 08.10.2022.
laschar ir. Durada: 3 minutas 7 Secundas.
